es riise Mahalo zu Hawaii and Hello Redondo Beach!

I gse grad ds i genau vo eire wuche z letschte mau ha gschribe! i verzeue iz no chle vo mire letschte wuche vo hawaii befor ig mit LA afa ;) ir letschte wuche hets plötzlech gheisse,i muess am samsti us dr residenz uszieh,obwou mi flug ja am sunnti am 9te isch gsi! si si so blöd gsi u hei ds nid richig buechet! ner bini di ganzi wuche immer zu dere gsecklet wo für das zueständig isch,u es zytli hets so usgse aus hätti gar ke ruum für di letschte täg! abr när ändlech am friti hets gheisse ds ig iz mues uszieh! isch ja richtig unnötig gsi,aus packe für 2 täg ine angere ruum! ha ner eich di letschte täg in honolulu no a strand wöue,abr nur denn woni bi abgreist isch z wätter strandmässig gsï! i ha no e 2te koffer müesse choufe,e blaue mit hawaiiblüemli! wii süess :) ! nachdem i ner mini letschti wösch u au mini 7 (bzw. 700 sache..drunger 7 paar nöii schue..:S ) sache packt ha,hani am sunnti mittag am 12i müesse uschecke.am 12.45 isch mi ner e shuttle cho hole u isch mit mir z letscht mau dür waikiki gfahre,nämlech ner richtig flughafe! auso i bi mit 2 risse tonneschwäre koffere,1 handgepäckkoffer u 1 täsche greist! chame sech ja vorsteue wi ds het usgse :D :D !! wo i ner am flughafe bi acho hani so es schwuuls flughafewägeli gno (ir schwiz si die gratis,hie zausch 4 dollar,abzocke!!) , auso bzw. i ha eis müesse nä,wüw mit 3 koffere loufe isch rächt...kompliziert u eich zimlech unmüglech :) ha ner mini koffere icheckt u glücklecherwiis ke übergwicht gha,nur dr eint koffer het es ''heavy'' schiudli becho! ner hani no mi letscht kafi gno im starbucks u bi ner is flugzüg igstige,direction LAX (Los angeles international airport)..mir hei ab und zue immr chle turbulenze gha u z ässä hets o nüt gä,nur zum choufe! scheiss american airline! 5.5 stung u eifach nüt aus einisch öppis z trinke! woni ner am flughafe bi acho isch sogar au mis gepäck pünktlech acho,ner hani es taxi gno u bi ner öppe am 12i ir residenz acho,dert het sogar öpper uf mi gwartet! auso es het mau AUES klappet! AUES!! i has chum gloubt!
ner hani am mäntig mi erscht schueutag gha,mega überraschend,mir si öppe 30 nöii schüeler gsii!

New Years Eve

soo,langsam rückt dr sunntig immer necher!! ha mir hüt grad mini 2ti koffere kouft u no so chle souvenirs..i ha iz e riiisige blaue hawaii-blüemli koffer! auso we da nid aus drii ma de weisi ja o nid :S haha..
zu Nöijahr :) i ha e HAMMER Siuvester gha!! zersch hani mi schön parat gmacht,widr mau chle meh gschminkt aus nur wimperetusch, highheels füregno u es Chleid agleit :) ! mir (auso eifach dütschsprächendi,due iz nid aui erwähne :P ) si zersch is Cheesecake Factory ga ässä! ds isch eifach dr hammr xi u i bi 3-fach schwanger dert usegloffe,so viu hani gässä! ir cheesecake factory (wis dr name scho seit) heisi für dessert ca. 20 odr sogar me cheesecakes zur uswau! u de was für cheesecakes! di si soo maschtig,da masch alei kes stück! nach däm simer zersch bim ne hotel näbene party ghocket u hei für üs chlei malibu u so trunke,natürlech ganz heimlech wüw ds hie verbote isch :P
uf di 12i simr när am strand entlang gloffe u am punkt 12 hei ner d füürwärch agfange! es si soo viu lüt am strand gstange! dert heimr när chlei champagner trunke u i bi mit mine füess im meer gstange u ha ebe z füürwärch agluegt.ohni jagge,strumpfhose,chappe odr händsche,eifach im ne churze chleid :) we ds nid toll isch ?!
nächhär simr ebe glich no heimlech a di party cho womer vorher nur vo usse hei chönne zueluege! mir hei üs eifach vom strand so chle inegschliche ner simr gratis are 50 dollar party ab 21 gsi ;) ig bi ner bis am 2i dert blibe,tanzet im schuum wo obe abe isch cho us eifach gnosse :P
auso es isch eifach dr hammr xi!!

Am Sunntig simr när ga Whale-Watching mache..mir si öppe 2 stung umegfahre,hesch chönne ässä so viu wid hesch wöue abr hei ke Wale gse.När simr scho drvo usgange ds mr iz no es 2. mau chöi ga wüw mr dänkt hei hüt gse mr eh kene me.När heimr eifach öppe 10min vorem Hafe ca. 3 mau e beschisseni Wal-Flosse gse,u ds wärs de gsi.auso heimr o kes 2. mau chönne ga wüw mr ja iz eine hei gse.scheisse.
eh ja,chle schad fürs gäud ds dä scheiss wal nur sini flosse het zeigt..


Ig bi iz äbe scho mega d vorbereitige am träffä für Los Angeles! I gniesse no mini letschte Sunnestrahle,ga no chle ga sünnele u hoffe no ds mini erwarteti maximali brüüni no itrifft :)
so, i ga mau no chle ga packe.. :)

Mahalo fürs läsä!!

spezieui Wiehnachte..

i wirde immer wi füüler mit mim blog,sorry ;) abr ha iz nach me aus 1 monet ändlech usegfunge wi äöü geit uf mire amerikanische tastatur a mim baby laptop ;) sit i z letscht mau gschribe ha isch eigentlech nid so viu passiert!ha mi hie vou i autag inegläbt,ufsta,skype,schueu,ässä,fitness,dusche,schlafe..u wes schön isch a strand ;) ..leidr heimr momentan rächt grusigs wätter,isch rächt schad wüw i ja hie scho i chle me aus 1.5 wuche abreise u i gärn no so bruun wett wärde dses bis id Schwiz ma ha ! es isch eifach so ungloublech wi schnäu di zyt vrbii geit! abr eis woni o no merke isch dsi hie mega lang cha schlafe wi daheim süsch nie..im erste monet bini immr am 7i wach gsi egau weni bi ga schlafe u iz chani guet so bis am 12i schlafe haha..wiehnachte isch zimlech spezieu gsi.i mues sägä i wär eigentlech am liebschte daheim xi,mit gmüetlecher wiehnachtsstimmig u au mine ängschte u liebschte lüüt am wiehnachtefiire bim ne traditionelle crevettecocktail,fondue chinoise u crepes aus dessert..anstatt desse bini am 24. am abe a army beach mit es paar lütlis vo hie.mir hei (auso nid ig) am afang versuecht vergäblech es füür z mache,abr schlussendlech hets de glich klappet.mis wiehnachtmenu isch vougendermasse gsi: chle sushi aus vorspiis (ah i liebes eifach),3 hamburgerfleischli ohni brot u salat ohni sauce.naja.ner bini öppe am 22.30 widr daheim xi u ds wärs de xi.drfür gani am siuvester schön is cheesecake factory ga ässe u aschliessend uf ne (leidr aukohoufreie..) pina colada öime am strand ga z füürwärch luege..i bi scho langsam so chle sache am vorbereite für LA..i fröie mi eigentlech mega vorauem sig schiins d residenz mega kuhl mit riise chuchi u wohnzimmer u so.schlechtr aus die residenz hie chas ja eh nid si! ah ja apropos residenz.letscht wuche hani e riiise kakerlake im zimmer gha! unübertribe öppe 5cm we nid sogar grösser.mit so gruusige füehler! u di chöi ja mega schnäu loufe u sogar flüge.ig u mis roommate si eifach schreiend zwüsche bad u chuchi u baukon umegseklet ..mir hei abr richtig teamgeischt ufboue haha u immr zäme gluegt wo ds si iz aus nächst häre isch.schlussändlech (nach ca 30 min) heimrs de gschafft mit ruumspray,haarspray u nagulaggentferner se einigermasse z schwäche u zum glück isch no gd so e nätte gieu düregloffe wose ner für üs verdrückt het u z wc abegsüeut het.öpper wo ds no nie het gse chasech gar ni vorsteue wiii grusig ds isch!! bääääh!! i fröie mi soo uf di suberi chuchi daheim u vorauem uf z hanewasser! u eifach augemein uf aus :D u vorauem ufs choche u bache,i ha iz hie e sucht entwicklet u es eigets chochbuech agfange mit mine lieblingsrezept u so u nöie rezept vo hie..bi ständig im internet am umeschnüffle..
was LA u gepäck ageit.i ha iz scho mau mini 500kg chleidr u 5 vo de 7 paar nöie schue i mi aut koffer packt,es het emu aus drii möge sogar mit no chle aute chleidr vo mir! ha ja hie sogar e wintermantu kouft ^^.. geschter simr no bire kollegin gsi u hei e froueabe gmacht! mir hei zäme kochet u ner heimr 50 erste dates gluegt uf änglisch,dä isch ja komplett hie dräit worde! isch mega kuhl xi!
auso i fröie mi uf siuvester u wahrschinlech gani no ga whale watching (wale beobachte) mache..i hoffe z wätter wird no chle bessr!
und i fröie mi uf öich!!!

ah ja i gse no grad dsi ha vergässä z erwähne dsi bi ga skydive (isch ja scho 1 monet här!) !! ds isch eifach..boah.unbeschriblech!! du startisch so mitm flugzüg u du flügsch immr höcher u höcher u dänksch eifach nur..''scheisse wi blöd bini eigentlech..was machi hie?''..u ner gsesch 2 fang usegumpe us 4000m höchi..u ner isch mi instructor mit mir ufgstange u a rand vo däm flugzüg gstange.u ner steisch eifach dert a däm rändli u luegsch is nüt.auso bessr gseit luegsch 4000m abe,uf di ganzi insle,uf d wäue wo scho fasch nümm gsesch..u ner gumpisch.ds chani gar nid beschribe,ds muesi de mit au mine emotione persönlech vrzeue haha ;) uf jede fau isch aus guet gange,zwar mega churz abr es isch geniau gsi.abr ganz ehrlech,het mi aso scho rächt muet koschet ;)

MAUI AND BIG ISLAND

duet mr leid hani so lang nid gschribe,ha ganz ehrlech gseit eifach ke zyt gha!! ir schwitz isch iz da scho schoen so schnee u so abr o hie isch ueberau tanneboeim u gschmueckt u aus soo u ueberau wome haere geit louft irgend es u huere wiehnachtslied..abr i fuehle ueberhoupt ke wiehnachtsstimmig..isch eifach komisch wed i flip flops u churze hose am strand hocksch u wed hei loufsch ueberau so tanneboum scheiss gsesch :D auso i bi ja no z Maui gsi vom 26 Nov bis am 29 Nov..auso ueber ueses lage thanksgiving weekend..und dises weekend simr z big island gsi..ds isch so hammr gsi obwou mr leidr ke Lava gse hei was eich z Highlight waer gsi abr jaa..uf big island hets 11 klimazone vo 13 wos uf dr ganze waeut gitt..mir si einisch ufe baerg ufe,i ha gloub no saeute so oeppis schoens gse..4000m obe abr 0 grad u gfrore wine sou :) u einisch isch d landschaft eifach wi ir schwitz so gruens grad mit graesende chuee u so u einisch widr strand u einisch jungle..mega interessant gsi..
am beschte d fotos ga luege woni iz de uf facebook due wueu cha schlaecht aus ufschribe woni ha erlaebt..
u huet hani mini erschti surf lesson gha :D :D
has ehrlechgseit nid so choenne, ha abr glich 3 mau e waeue verwuetscht woni tatsaechlech ner ha choenne sta..(fotos choeme de o uf facebook)..und iz geiz hie nur no 5 weeks..es geit so schnaeu!!

mele kalikimaka!!
(schoeni wiehnahte,isch zwar no chle fruech :D )

love to be here

hei a au wo ds grad laese ;) ha iz scho oeppe 2 wuche nuemme gschribe,es isch mega viu passiert sit denn..am mittwuch vor 2 wuche isch d gastmueter heicho,di isch ja di erste wuchene furt gsi am schaffe.und ab denn ischs nur no dr horror gsi..nach knappe 24 stung het si vor dr tuer uf mi gwartet woni vom fitness (wo 24h offe het,i liebe amerika!) bi hei cho am abe u het gseit si mues mit mir rede..u was ner isch cho isch wine chlapf i gring gsii..si het mir vorgworfe ds ig mit ihrem maa flirte,ds ig nid z raecht heig z frage fuer ga izchoufe (vorher wosi nid isch da gsi ke problem xi) und ig fuer aues si z frage heig..und si fueht sech nid wou mit mir und si wott ds ig ga..i bi komplett fertig gsi a daem abe,wuew i ha nid chonne vrsta ds de so chrank im chopf chasch sii und i bi ja eifach nur nett gsi zu aune ..es isch ja nie wuerklech e super familie gsi,abr bis zu dem zitpunkt hanis einigermasse choenne akzeptiere..abr b denn hani nur no furt woeue..i bi so unwou gsi dert u o i de nechste taeg ischs mr no raecht scheisse gange..(o iz weni am huus verbifahre wird mr richtig schlaecht,sogar weni dra daenke wird mr schlaecht wuews eifach so schrecklech isch gsi) am sunnti druf bini heicho u ner heisi e wasserleitigsbruch gha und si hei mr gsei i mues iz uszieh..i haett sowieso am naechste tag woeue luege dsi cha waechsle..dir choeit nech nid vorsteue wi froh ig bi gsi..i bi ner a dem abe mit mine 7 sache wine laschtesu id residenz zoge..di isch grad neb dr schueu..iz wohni mit ere japanerin im ne zimmerli,ha endlech gnue platz bini sache uszpacke..ha es chlises wahnsinnigs unmoderns chucheli mit herd wo oeppe 50 jaehrig isch,abr egau.iz bini mega wou hie,cha ga u cho weni wott.mues iz haut eifach vou saeuber fuere huushaut luege,esse choufe,z nacht u so u haut o woesche..abr i finges hie iz geniau!! iz gani am erste weekend vom dezember 3 taeg uf big island mit dr schueu,ds wird so hammr..u villech nechst wuche ueber thanks giving uf maui..und und und..wett ja no so viu mache..und iz si de surf contests,gani de o no ga luege..u ga surfe muesi o mau no..leidr bini no nid soo brun ;)
so i gloub ds laengt fuers erste mau widr..

witeri infos choeme ;)

mahalo fuers laese

Crazy Halloween

Auso sit mim letschte blog isch iz scho e wuche vergange..isch mega viu passiert :) am maenti hei mr ir schueu kuerbisse usgschnitte,ds isch hie tradition vor halloween..unger dr wuche bini immr widr chle ga shoppe ;) hie hets eifach so geils zuueg..i bi hie e mega fan vo sushi worde,ha e lade gfunge wos fruesch gmacht wird u es isch eifach geniau fein..am friti hei mr aui i uesne halloween kostuem id schueu muesse (i ga aus chrankeschwoester :D ) u wuerk JEDE isch verchleidet xi..aecht dr hammr..am friti abe simr ner gmuetlech a nes BBQ,oeppe di haubi schueu isch dert xi..ner hei es paar auk gha (u du darfsch nid mau oeffentlech trinke wed 21 bisch) ner heisi eine verwuetscht u de isch ner dert i handschaeue ghocket..isch no raecht heftig gsi..wosch gmuetlech ga braetle u ner wirsch vrhaftet..am samsti morge bini mit haie ga schwuemme,so im ne chefig inne,isch o supr xi..bi eifach oeppe 1.5 stung bus gfahre fuer dert haere (ja,Oahu isch gar nid mau so chli!)..geschtr bini naer mit dr salome (si isch o vor schwitz) u huere viune luet vor schueu i chinatown ga halloween eve fiire..da hesch aecht auues gse.ungloublech!! diu froue haub nackt,eine aus hangover vrchleidet (dae mitm baby :D ),mario kart,u no so viu me ..s het wuek aues gha u jede isch verchleidet xii..isch ner e raechti party gsi..huet hani eifach dr ganz tag NUET gmacht,u dr mit meini wuek nuet.gaesse,am pc gsi,skypet,umeglaege,gaesse..haha..u iz gani de use i Waikiki ga halloween fiire,verchleidet aus chrankeschwoester :D it will be great!!
d zyt geit hie zwar mega schnaeu ume,abr i vrmisse nech au scho soo krass.. </3
in riiiiiser liebi

jennnnnnnnnnnnnnnnny

Did you ever laugh when you want to buy jogurt?

wott mi ganz churz fasse :) ..ga am 30 oct. mit ere kollegin vor klass mit haie ga touche (natuerlech im ne chaefig)..o gott i froeie mi huere !! huet hani aendlech mini UGG Boots kouft (fuer oeppe haub so viu aus ir schwitz)..ha erfahre ds naechst maenti doch no e zimmergnossin chunnt, 20gi u us belgie,red franz.. :) froeie mi mega..und huet bini mitm gastvater mark ga ichoufe..i bi wines chlises ching duere supermarket gloffe..heit dr scho mau ROTI bire gse?? u naer bini vor de jogurt oeppe 5 min blibe sta u ha glachet..hie giz jogurt wi ''pina colada'' ''aerdbeeri mit wisser schoggi'' ''zitronechueche-jogurt'' ''banane mit cake-jogurt'' u so sache..hani no nie i mim laebe gse :D !!
morn gani ga schnorchle u ufe diamond head,dert gset me ueber ganz honolulu..am sunnti gani mit dere kollegin (nathalie) i nes shopping center (mir muesse no halloween kostuem choufe, hie isch ds schiins e groesseri party aus wiehnachte) u naer aeue a strand chle ga bruun waerde :D

Biiiig Love
hawaiian girl with UGG boots :D