spezieui Wiehnachte..

i wirde immer wi füüler mit mim blog,sorry ;) abr ha iz nach me aus 1 monet ändlech usegfunge wi äöü geit uf mire amerikanische tastatur a mim baby laptop ;) sit i z letscht mau gschribe ha isch eigentlech nid so viu passiert!ha mi hie vou i autag inegläbt,ufsta,skype,schueu,ässä,fitness,dusche,schlafe..u wes schön isch a strand ;) ..leidr heimr momentan rächt grusigs wätter,isch rächt schad wüw i ja hie scho i chle me aus 1.5 wuche abreise u i gärn no so bruun wett wärde dses bis id Schwiz ma ha ! es isch eifach so ungloublech wi schnäu di zyt vrbii geit! abr eis woni o no merke isch dsi hie mega lang cha schlafe wi daheim süsch nie..im erste monet bini immr am 7i wach gsi egau weni bi ga schlafe u iz chani guet so bis am 12i schlafe haha..wiehnachte isch zimlech spezieu gsi.i mues sägä i wär eigentlech am liebschte daheim xi,mit gmüetlecher wiehnachtsstimmig u au mine ängschte u liebschte lüüt am wiehnachtefiire bim ne traditionelle crevettecocktail,fondue chinoise u crepes aus dessert..anstatt desse bini am 24. am abe a army beach mit es paar lütlis vo hie.mir hei (auso nid ig) am afang versuecht vergäblech es füür z mache,abr schlussendlech hets de glich klappet.mis wiehnachtmenu isch vougendermasse gsi: chle sushi aus vorspiis (ah i liebes eifach),3 hamburgerfleischli ohni brot u salat ohni sauce.naja.ner bini öppe am 22.30 widr daheim xi u ds wärs de xi.drfür gani am siuvester schön is cheesecake factory ga ässe u aschliessend uf ne (leidr aukohoufreie..) pina colada öime am strand ga z füürwärch luege..i bi scho langsam so chle sache am vorbereite für LA..i fröie mi eigentlech mega vorauem sig schiins d residenz mega kuhl mit riise chuchi u wohnzimmer u so.schlechtr aus die residenz hie chas ja eh nid si! ah ja apropos residenz.letscht wuche hani e riiise kakerlake im zimmer gha! unübertribe öppe 5cm we nid sogar grösser.mit so gruusige füehler! u di chöi ja mega schnäu loufe u sogar flüge.ig u mis roommate si eifach schreiend zwüsche bad u chuchi u baukon umegseklet ..mir hei abr richtig teamgeischt ufboue haha u immr zäme gluegt wo ds si iz aus nächst häre isch.schlussändlech (nach ca 30 min) heimrs de gschafft mit ruumspray,haarspray u nagulaggentferner se einigermasse z schwäche u zum glück isch no gd so e nätte gieu düregloffe wose ner für üs verdrückt het u z wc abegsüeut het.öpper wo ds no nie het gse chasech gar ni vorsteue wiii grusig ds isch!! bääääh!! i fröie mi soo uf di suberi chuchi daheim u vorauem uf z hanewasser! u eifach augemein uf aus :D u vorauem ufs choche u bache,i ha iz hie e sucht entwicklet u es eigets chochbuech agfange mit mine lieblingsrezept u so u nöie rezept vo hie..bi ständig im internet am umeschnüffle..
was LA u gepäck ageit.i ha iz scho mau mini 500kg chleidr u 5 vo de 7 paar nöie schue i mi aut koffer packt,es het emu aus drii möge sogar mit no chle aute chleidr vo mir! ha ja hie sogar e wintermantu kouft ^^.. geschter simr no bire kollegin gsi u hei e froueabe gmacht! mir hei zäme kochet u ner heimr 50 erste dates gluegt uf änglisch,dä isch ja komplett hie dräit worde! isch mega kuhl xi!
auso i fröie mi uf siuvester u wahrschinlech gani no ga whale watching (wale beobachte) mache..i hoffe z wätter wird no chle bessr!
und i fröie mi uf öich!!!

ah ja i gse no grad dsi ha vergässä z erwähne dsi bi ga skydive (isch ja scho 1 monet här!) !! ds isch eifach..boah.unbeschriblech!! du startisch so mitm flugzüg u du flügsch immr höcher u höcher u dänksch eifach nur..''scheisse wi blöd bini eigentlech..was machi hie?''..u ner gsesch 2 fang usegumpe us 4000m höchi..u ner isch mi instructor mit mir ufgstange u a rand vo däm flugzüg gstange.u ner steisch eifach dert a däm rändli u luegsch is nüt.auso bessr gseit luegsch 4000m abe,uf di ganzi insle,uf d wäue wo scho fasch nümm gsesch..u ner gumpisch.ds chani gar nid beschribe,ds muesi de mit au mine emotione persönlech vrzeue haha ;) uf jede fau isch aus guet gange,zwar mega churz abr es isch geniau gsi.abr ganz ehrlech,het mi aso scho rächt muet koschet ;)

MAUI AND BIG ISLAND

duet mr leid hani so lang nid gschribe,ha ganz ehrlech gseit eifach ke zyt gha!! ir schwitz isch iz da scho schoen so schnee u so abr o hie isch ueberau tanneboeim u gschmueckt u aus soo u ueberau wome haere geit louft irgend es u huere wiehnachtslied..abr i fuehle ueberhoupt ke wiehnachtsstimmig..isch eifach komisch wed i flip flops u churze hose am strand hocksch u wed hei loufsch ueberau so tanneboum scheiss gsesch :D auso i bi ja no z Maui gsi vom 26 Nov bis am 29 Nov..auso ueber ueses lage thanksgiving weekend..und dises weekend simr z big island gsi..ds isch so hammr gsi obwou mr leidr ke Lava gse hei was eich z Highlight waer gsi abr jaa..uf big island hets 11 klimazone vo 13 wos uf dr ganze waeut gitt..mir si einisch ufe baerg ufe,i ha gloub no saeute so oeppis schoens gse..4000m obe abr 0 grad u gfrore wine sou :) u einisch isch d landschaft eifach wi ir schwitz so gruens grad mit graesende chuee u so u einisch widr strand u einisch jungle..mega interessant gsi..
am beschte d fotos ga luege woni iz de uf facebook due wueu cha schlaecht aus ufschribe woni ha erlaebt..
u huet hani mini erschti surf lesson gha :D :D
has ehrlechgseit nid so choenne, ha abr glich 3 mau e waeue verwuetscht woni tatsaechlech ner ha choenne sta..(fotos choeme de o uf facebook)..und iz geiz hie nur no 5 weeks..es geit so schnaeu!!

mele kalikimaka!!
(schoeni wiehnahte,isch zwar no chle fruech :D )

love to be here

hei a au wo ds grad laese ;) ha iz scho oeppe 2 wuche nuemme gschribe,es isch mega viu passiert sit denn..am mittwuch vor 2 wuche isch d gastmueter heicho,di isch ja di erste wuchene furt gsi am schaffe.und ab denn ischs nur no dr horror gsi..nach knappe 24 stung het si vor dr tuer uf mi gwartet woni vom fitness (wo 24h offe het,i liebe amerika!) bi hei cho am abe u het gseit si mues mit mir rede..u was ner isch cho isch wine chlapf i gring gsii..si het mir vorgworfe ds ig mit ihrem maa flirte,ds ig nid z raecht heig z frage fuer ga izchoufe (vorher wosi nid isch da gsi ke problem xi) und ig fuer aues si z frage heig..und si fueht sech nid wou mit mir und si wott ds ig ga..i bi komplett fertig gsi a daem abe,wuew i ha nid chonne vrsta ds de so chrank im chopf chasch sii und i bi ja eifach nur nett gsi zu aune ..es isch ja nie wuerklech e super familie gsi,abr bis zu dem zitpunkt hanis einigermasse choenne akzeptiere..abr b denn hani nur no furt woeue..i bi so unwou gsi dert u o i de nechste taeg ischs mr no raecht scheisse gange..(o iz weni am huus verbifahre wird mr richtig schlaecht,sogar weni dra daenke wird mr schlaecht wuews eifach so schrecklech isch gsi) am sunnti druf bini heicho u ner heisi e wasserleitigsbruch gha und si hei mr gsei i mues iz uszieh..i haett sowieso am naechste tag woeue luege dsi cha waechsle..dir choeit nech nid vorsteue wi froh ig bi gsi..i bi ner a dem abe mit mine 7 sache wine laschtesu id residenz zoge..di isch grad neb dr schueu..iz wohni mit ere japanerin im ne zimmerli,ha endlech gnue platz bini sache uszpacke..ha es chlises wahnsinnigs unmoderns chucheli mit herd wo oeppe 50 jaehrig isch,abr egau.iz bini mega wou hie,cha ga u cho weni wott.mues iz haut eifach vou saeuber fuere huushaut luege,esse choufe,z nacht u so u haut o woesche..abr i finges hie iz geniau!! iz gani am erste weekend vom dezember 3 taeg uf big island mit dr schueu,ds wird so hammr..u villech nechst wuche ueber thanks giving uf maui..und und und..wett ja no so viu mache..und iz si de surf contests,gani de o no ga luege..u ga surfe muesi o mau no..leidr bini no nid soo brun ;)
so i gloub ds laengt fuers erste mau widr..

witeri infos choeme ;)

mahalo fuers laese

Crazy Halloween

Auso sit mim letschte blog isch iz scho e wuche vergange..isch mega viu passiert :) am maenti hei mr ir schueu kuerbisse usgschnitte,ds isch hie tradition vor halloween..unger dr wuche bini immr widr chle ga shoppe ;) hie hets eifach so geils zuueg..i bi hie e mega fan vo sushi worde,ha e lade gfunge wos fruesch gmacht wird u es isch eifach geniau fein..am friti hei mr aui i uesne halloween kostuem id schueu muesse (i ga aus chrankeschwoester :D ) u wuerk JEDE isch verchleidet xi..aecht dr hammr..am friti abe simr ner gmuetlech a nes BBQ,oeppe di haubi schueu isch dert xi..ner hei es paar auk gha (u du darfsch nid mau oeffentlech trinke wed 21 bisch) ner heisi eine verwuetscht u de isch ner dert i handschaeue ghocket..isch no raecht heftig gsi..wosch gmuetlech ga braetle u ner wirsch vrhaftet..am samsti morge bini mit haie ga schwuemme,so im ne chefig inne,isch o supr xi..bi eifach oeppe 1.5 stung bus gfahre fuer dert haere (ja,Oahu isch gar nid mau so chli!)..geschtr bini naer mit dr salome (si isch o vor schwitz) u huere viune luet vor schueu i chinatown ga halloween eve fiire..da hesch aecht auues gse.ungloublech!! diu froue haub nackt,eine aus hangover vrchleidet (dae mitm baby :D ),mario kart,u no so viu me ..s het wuek aues gha u jede isch verchleidet xii..isch ner e raechti party gsi..huet hani eifach dr ganz tag NUET gmacht,u dr mit meini wuek nuet.gaesse,am pc gsi,skypet,umeglaege,gaesse..haha..u iz gani de use i Waikiki ga halloween fiire,verchleidet aus chrankeschwoester :D it will be great!!
d zyt geit hie zwar mega schnaeu ume,abr i vrmisse nech au scho soo krass.. </3
in riiiiiser liebi

jennnnnnnnnnnnnnnnny

Did you ever laugh when you want to buy jogurt?

wott mi ganz churz fasse :) ..ga am 30 oct. mit ere kollegin vor klass mit haie ga touche (natuerlech im ne chaefig)..o gott i froeie mi huere !! huet hani aendlech mini UGG Boots kouft (fuer oeppe haub so viu aus ir schwitz)..ha erfahre ds naechst maenti doch no e zimmergnossin chunnt, 20gi u us belgie,red franz.. :) froeie mi mega..und huet bini mitm gastvater mark ga ichoufe..i bi wines chlises ching duere supermarket gloffe..heit dr scho mau ROTI bire gse?? u naer bini vor de jogurt oeppe 5 min blibe sta u ha glachet..hie giz jogurt wi ''pina colada'' ''aerdbeeri mit wisser schoggi'' ''zitronechueche-jogurt'' ''banane mit cake-jogurt'' u so sache..hani no nie i mim laebe gse :D !!
morn gani ga schnorchle u ufe diamond head,dert gset me ueber ganz honolulu..am sunnti gani mit dere kollegin (nathalie) i nes shopping center (mir muesse no halloween kostuem choufe, hie isch ds schiins e groesseri party aus wiehnachte) u naer aeue a strand chle ga bruun waerde :D

Biiiig Love
hawaiian girl with UGG boots :D

enjoying the time

so es si scho widr es paar tag vergange sit i mi erst schueutag ha gha..hie macht aenglisch lehre mega spass, dr ungerricht isch mega kuhl (nid so wi bir respondek *kotz* ;) ) ..i ha e Lehrer,er heisst Shane u isch 29 , dae isch super,mega witzig u kuhl..mir hei fasch immr mit ihm schueu..naer hei mr ueses ergaenzigsfach choenne wahle, i ha exam preperation gno fuer nes zertifikat..aber i daem ungerricht stossi huere a mini graenze, ds isch wuek u huere schwaer dert..und fasch immr we ig gfragt wirde fuer d antwort ischs eifach fausch haha..abr jaa..

am erste schueutag bini mit eim vo mire klass a strand u dert hani mega viu angeri luet vo uesere schueu lehre kenne..luet vo chile,belgie,japan,schwede,schwitz,italie usw..u es isch mega witzig gsi, redsch mitnang aenglisch ner ghoerisch im hingergrund widr es paar wo franz mitnang rede,ner widr aenglisch,ner widr noeime spanisch u naer 2-3 woerter schwitzerduetsch..es giit maengisch huere viu situatione woni eifach alei uf mi agwise bi u maengisch verzwifli fasch u sta nach vor de traene..abr ja,da muesi haut duere saegi mr aube..zB. geschtr mi Bus am mittag eifach nid cho (di heis hie ni so mit puenktlechkeit -.- ) u naer hani e angere gno wo aber chle z wiit gfahre isch u bi naer id schueu gsecklet..ds het aeue o usgse, mues iz grad lache weni mr ds vorsteue haha..

und es isch eifach so schoen hie..bi huet alei duer ne open market vo honolulu gloffe, auso isch so vou hawaiibluemli,si saege dr Aloha we inechunsch u Mahalo wed oeppis choufsch..bi dem open market si zum teil d bikini oeppe 2o dollar,huere guenstig..

huet bini bi wasserfaeu xi mit dr schueu, bi no uf d fraesse gfloge, abr ds isch ja naebesach haha..

iz muesi no chle lehre u luege wahrschinlech no desperate housewives uf englisch..

love love love und mahalo fuers laese (heisst danke)

ah ja ha iz es hawaii handy nummero abr bi immr no erreichbar uf mim swisscom nummero..
ha es second hand handy kouft haha, uuuraut,so es ufklappars..steuet nech vor, i ha i handy shop choenne,ds choufe samt infos fuers ganze handy u z abo u ha aus verstange.. :)

first day in Honolulu

halli hallo :)

aendlech hanis gschafft..i bi aendlech z Honolulu achoo, nach daem i waegemne verpasste Flug in LA ha muesse penne u mi erst Schueutag hie verpasst ha..bis London isch aus tip top gange,aber dert het mi Aschlussflug 1h verspaetig gha,drum hani naer dr Aschlussflug in LA o verpasst..eh ja,was solls.(da hauti mi immer dra was mis mami het gseit ''was machsch ire notfausituation? Ruhe bewahren'' haha)
..da hani immr chle im chopf gha, drum hani ds unnoetige zueg relativ easy gno..

ha naer im ne riise zimmer in LA mit 2 riiise Bett alei gschlafe..ha naer am naechste Morge (Mo,18.oct) e witerfluug gha..
aendlech z honolulu glandet, suechi d Person vo mire EF Schueu wo mi haett soeue cho hole..abr waer haetts daenkt..ke fuechte furz het uf uf mi gwartet u i bi wi dr groescht moengu 30min im zueg umeglofe u ha gsuecht u gsuecht..ha mi naer fuer nes taxi entschide (40 dollar,fuck you !!) ..aendlech waer ig naer bim acho, aber wo ig ha gluete isch niemer daheim xi.toll,hani daenkt, u ha grad chle  mit de traene kaempft..grad i daem moment aber isch d familie cho :)

dert woni iz wohne ischs relativ eifach (ke abwaeschmaschine -.- u o suesch nid so schoen) aber typisch amerikanisch hei si e riise fernseh..aber dr gastvater mark het mr iz es macbook zur verfuegig gsteut :) so geil !! naer bini mitm mark ga ichoufe (riiiiise supermarket,eifach dr hammer, u d ananas choschtet hie ca. 80 rappe :D ) ..

am abe si mr naer ga aesse mit ere kollegin vo ihm.es isch mega fein xi u si si mega lieb zu mir. am wuchenaend gani mit ihne ga schnrochle u surfe u so ;) ..andurend saege si mir wi ''cute'' und ''fine'' i sig haha..


morn hani iz mi verspaetet 1. Schueutag!!

byebye <3